Colegio Vasco de Economistas

Menuan sartu

Bilatzailea :

Hemen zaude:
Hasiera
Konpromisoa
Gizarte-erantzukizuna
Ekonomistak Ere Euskaraz

Ekonomistak Ere Euskaraz

Ekonomisten Euskal Elkargoaren misioa betetzeko asmoz eta, zehazkiago, Plan Estrategikoan garatutako hirugarren jarduera ildoari jarriki, "Gizarteari balioa eskaintzea" alegia, azken urteetako ekitaldietan hizkuntza normalkuntzarako plan bat garatu da, bai lanbide eta bai gizarteari balio gehigarri bat ematen dielarik.

Ekonomisten Euskal Elkargoak euskara erabili eta sustatzeko konpromisoa bereganatu zuen 1999. urtean, hizkuntz normalizazioari laguntzeko asmoarekin. Ildo horri ekin eta Bai Euskarari Bidean eta Bikain Zilarrezko ziurtagiriak eskuratu ditu, hizkuntzaren arloan egin duen lanaren erakusgarri.

Elkargokideen %56,58ak euskarazko ezagupenak ditu. Datu hau urtez urte gehituz doa, lizentziatu berri direnek gero eta hizkuntzaren ezagupen handiagoa baitute eta hauek goi mailako ikasketak euskaraz egiteko aukera izan baitute.

Ekonomisten Euskal Elkargoa, errealitate honen jakitun eta hizkuntzaren normalizazioan barne egonez, urtez urte gero eta handiagoa den ahalegin bat egiten ari da bere elkargokideek informazioa eta zerbitzuak euskaraz ere jaso ditzaten.

Ekonomiaren arloak ere berebiziko garrantzia du hizkuntz normalizazioan, bai duen tamainagatik, bai herritarren bizi-mailan eta bizimoduan duen eraginagatik.

Horregatik guztiagatik, Ekonomisten Euskal Elkargoaren helburua euskararen normalizazioa behingoz bideratzea da, gure hizkuntza bete-betean gara dadin eta Elkargoaren bizitzan apurka-apurka sar dadin, gizartearen aurrean elebidun agertzeko.