Colegio Vasco de Economistas

Aurkeztu pentsatzen ari zaren hori. Ziur merezi duela!

Sariaren xedea 

Ekonomisten Euskal Elkargoak PREMIO ekonomistak SARIA emateko deialdia ireki du. Helburua zera da: banaka edo taldean Euskal Herrian ekonomiaren, enpresa kudeaketaren edo gizartearen garapenean laguntzen duten pertsona eta erakunde publiko zein pribatuen lana saritzea eta publikoki aitortzea.

Saria

PREMIO ekonomistak SARIAren bidez Euskadiko ekonomisten multzoari errekonozimendu publikoa egin nahi zaio. Saria bera eskultura berezi eta pertsonalizatua da.

Juan Echegoien Echevarria artistaren diseinu kontzeptualdun pieza originala da, PREMIO ekonomistak SARIAren bitartez sarituak egindako ekarpena aitortzen duena.

Hautagaitzak

• Aurreko urtean saritutakoa: GUREAK
  
• Ekonomisten Euskal Elkargoko Presidentea;
• Ekonomia eta enpreseekin lotura duten bi erakunde ordezkariak;
• Elkargokide emeritu bat;
• Ekonomisten Euskal Elkargoko Gobernu Batzordeko kiderik gazteena.

PREMIO ekonomistak SARIA merezi duen hautagaitza aukeratuko du epaimahaiak, sariaren xedeari buruzko atalean adierazitako baldintzak oinarri hartuta.

Epaimahaikide kopurua bikoitia izanik, berdinketarik egonez gero kalitatezko botoa emango zaio elkargoko presidenteari.

Ekonomisten Euskal Elkargoko Gobernu Batzordeak aukeratuko du epaimahaiko kide izango den erakundea, hala dagokionean.

Hautagaitzak baloratzeko irizpideak

Hautagaitzak sistema parte-hartzailearen bitartez aurkeztuko dira; horretarako, elkargokideei aukera emango zaie Ekonomistak SARIAren xedeari buruzko atalean ezarritako baldintzak betetzen dituzten pertsona edo erakundeak proposatzeko.

Hautagaitzak aurrez ezarritako epean aurkeztu behar dira eta, pertsona edo erakundearen izenarekin batera, PREMIO ekonomistak SARIAren xedea betetzen dutela bermatzeko informazio nahikoa eta arrazoitua aurkeztu behar da, proposamenaren arrazoia egoki azalduta.

Epaimahaia

• Ekonomiaren hedapena Euskadin: Eskualdean ezagutza ekonomikoa zabaltzeko ekarpen garrantzitsua.
• Ikerketa eta Irakaskuntza: Bikaintasuna ikerketa akademikoan eta ekonomiaren irakaskuntzan.
• Erakundeen kudeaketa: Arrakasta eta eraginkortasuna ekonomia-, enpresa- edo hezkuntza-erakundeen kudeaketan.
• Ekintzailetza: Enpresa berriak edo enpresa-ekimen berritzaileak sortzea eta garatzea.
• Berrikuntza: Ideia, prozesu edo produktu berriak sartzea esparru ekonomikoan.
• Gizarte-garapena: gizarte-ongizaterako ekarpenak eta eskualdeko komunitate-garapena.
• Lidergoa: arlo ekonomikoan arrakastaz taldeak eta proiektuak gidatzeko gaitasuna.
• Garrantzi soziala: eragin positiboa eta esanguratsua gizartean, jarduera ekonomikoen bidez.
• Elkargoan konpromisoa eta parte-hartzea: Ekonomisten Euskal Elkargoan eta elkargoko jardueretan parte-hartze aktiboa eta konprometitua izatea.
• Hizkuntza-normalizazioa: Ekonomian eta enpresa-ingurunean euskara sustatzeko eta erabiltzeko ekarpena.
• Era berean, emakumeen eta gizonen arteko berdintasuna sustatzea helburu hartuta, ekonomista emakume hautagaiak positiboki baloratuko dira.

PREMIO ekonomistak SARIA 2024-ren kronograma:

• Hautagaien aurkezpena: Uztailak 21 arte.
• Epaimahaiaren erabakia: 2024ko iraileko bigarren astean.
• PREMIO ekonomistak SARIA 2024-ren banaketa: Urriak 15ean, Bizkaia Aretoko Atrioan. BILBO