Colegio Vasco de Economistas

Unibertsitatea da ekonomista bihurtzeko lehen urratsa. Erronka akademikoa handia da, baina lan-merkatua are handiagoa izango da, etapa desberdinetan. Eredu bat bilatu, lanean zure onena eman, profesional gisa hazi, ezagutzak eguneratu, ekonomista gisa gizarteari ekarpenak egin... bidea hasi besterik ez da egin.

Abiapuntutik bertatik lagundu nahi dizugu, eta horretarako, ekonomistak sareko partaide izateko aukera eskaini nahi dizugu, oraindik titulurik izan ez arren. Dagoeneko 5.000 profesionaletik gora gara. Ekonomia, ADE edo arlo horretako beste espezialitateren bateko azken bi mailetako batean bazaude, Ekonomistak taldeko kide izan zaitezke!

ZERGATIK DA INTERESGARRIA AURRE-ELKARGOKIDE EGITEA?

Lanerako prestatu. Lan-merkatura sartzeko aukerak hobetzeko, aukera profesionalen inguruko informazioa emango dizugu. Lan egin dezakezun profil desberdinen inguruko orientazioa behar baduzu, "Profil Profesionalen Gida" daukazu eskura.

Lan eskaintzak. Ekonomisten kontrataziorako erreferente nagusietakoa gara. Gure datu-baseko lan-eskaintzak ikus ditzakezu hemen.

Praktikak enpresetan. Behin ikasketak amaituta, enpresaren batean praktikak egiteko interesa baduzu, horretarako programa berezi bat daukagu. Kontsultatu oinarriak hemen.

Prestakuntza espezializatua. Lan-merkatuan barneratzeko erabilgarria izan ahal zaizun prestakuntza osagarria lortu eta lanbidearen inguruko ikuspegi praktikoago bat hartuko duzu. Kontsultatu gure ikastaro zerrenda.

Hitzaldiak. Materia bakoitzaren egungo egoeraren berri izateko balioko dizute, eta enpresen zein ekonomia munduaren errealitatera hurbilduko zaituzte. Lan-elkarrizketa batean bereizgarri garrantzitsua izan daitekeen elementua.

Ekonomistak Sarea. 5.000 profesional baino gehiagoz osatutako sare hau Euskadin ekonomia arloan lan egiten dugunon arteko topagunea da. Topaketa, jardunaldi, networking jarduera eta esperientziak partekatzeko topaketetan parte hartu ahal izango duzu, ezagutzak aberastu eta aukera berriak izateko..

Informazio profesionala. Zure esku jarriko dugu gaur egungo egoera ekonomikoaren inguruko informazio osoa, lege arloan eta arlo teknikoan, lanbidearen espezializazio bakoitzerako informazio garrantzitsua (marketina, kudeaketa, kontabilitatea, ekonomia orokorra, zerga arloko aholkularitza, berrikuntza, enpresen nazioartekotzea...).

Sarrera-kuotarik gabe. Behin ikasketak amaituta, elkargokide izateko aukera eskainiko dizugu, sarrera-kuota gisa ezarritako 110 €-ko zenbatekoa ordaindu beharrik gabe.