Lan-Gaurkotasunaren Foroa 2016

Hemen zaude:
Hasiera
Erreferentea
Foro profesionalak
Lan-Gaurkotasunaren Foroa
Lan-Gaurkotasunaren Foroa 2016

...EKONOMISTEN EUSKAL ELKARGOKO LAN KOMUNITATEAK ANTOLATUA, EGARSATEN LAGUNTZAREKIN

Urtarrilaren 19an egungo lan egoerari buruzko foro bat egin zen Juan de Larrea (Bilbo) erakusketa aretoan. Bertan izan ziren hizlari moduan Bizkaiko Gizarte Segurantzako Lan Ikuskaritzako Burua, Manuel Velázquez Fernandez eta Bizkaiko Gizarte Segurantzaren Institutu Nazionaleko Pentsiodunen arloko Lurralde Zuzendariordea, José Félix de Jaime Arbaiza. Ekitaldia Ekonomisten Elkargoko Lan Komunitateak eta Egarsatek antolatu zuten.

LANDUTAKO GAIAK:

Hainbat gai izan ziren hizpide. Hasteko, 2016rako Estatuko Aurrekontu Orokorrak aztertu ziren. Atal horretan nabarmendu dezakegu Sektore Publikoko langile arloko gastu-mailan izandako aldaketa. Izan ere, 2016an apur bat handituko da (gehienez ere %1), pentsio publikoen gainean; 2016rako handitze txiki bat espero da eta era berean, gehieneko pentsioak mugatu dira: 2.567,28 euro hilean. Kotizazio sozialei dagokienez, gutxieneko eta gehieneko oinarriak berriztatu dira. Aipatu behar da hizlariak “pentsio-sistemaren erreforma isilaz” hitz egin zuela; gehieneko oinarriaren eta gehieneko pentsioaren arteko aldea handitzen ari baita. Azkenik, zerga-pentsioek amatasun osagarri bat edukiko dute, seme-alabak izateagatik; horrela, azken pentsioa handitu egingo da.

Bigarren puntuan 23/2015 Legea aztertu zen, uztailaren 21ekoa, Lan Ikuskaritza eta Gizarte Segurantza Sistemaren Antolatzailea. Atal horretan, hizlariek gehien nabarmendu zituzten bi elementuak honakoak izan ziren: lan-ikuskaritza eta gizarte segurantza sistema berria eta lan arloko azpi-ikuskarien figura berria. Sistema berrian, Estatuak eta Euskal Autonomia Erkidegoak eskumenak banatu dituzte; Estatuaren esku geratu dira Gizarte Segurantza eta etorkinen gaia; eta Erkidegoaren esku Lan Harremanak eta Laneko Arriskuen Prebentzioa.

Hirugarren puntuan ESS/1187/2015 Agindua landu zen, ekainaren 15ekoa, 625/2014 Errege Dekretua garatu zuena. Horretan, aldi baterako ezintasunagatiko prozesuen kudeaketa eta kontrola arautzen dira, horien lehenengo 365 egunetan. Atal horretan epeak, sistema berriaren funtzionamendua eta abar azaldu ziren. Erakusketak ESS/1187/2015 Aginduarekin jarraitu zuen eta aldi baterako ezintasunetarako hainbat prozesu garatu ziren. Ondoren, 31/2015 Legea aipatu zen, auto okupazio arloko araudia aldatu eta eguneratzen duena; eta lan autonomoa eta Ekonomia Soziala sustatzearen inguruko neurriak hartu ziren.

Hizlariek 708/2015 Errege Dekretua garatzen eman zuten denbora bat. Dekretu horren bidez hainbat araudi aldatu ziren, 34/2014 Legea garatzeko xedez. Kotizazio eta kuoten inguruan hitz egin zen eta horien ezarpenean sortutako arazoak azaldu eta bertaratutakoen hainbat kasu aztertu ziren.

Azkenik, 25/2015 Legea azaldu zen, bigarren aukeraren mekanismoarena, finantza-kargaren murrizketa eta gizarte izaerako beste neurri batzuen ingurukoa. Bertaratutakoen galderei erantzuteko denbora ere egon zen.

Topaketaren materiala

ALAVA

San Vicente de Paúl nº 3 bajo
01001 Vitoria-Gasteiz

Tel. 945 25 02 09
Fax 945 28 02 86

araba@ekonomistak.eus

BIZKAIA

Rodríguez Arias nº 4–2º izq.
48008 Bilbao

Tel. 94 415 26 33 / 44
Fax 94 415 89 87

bizkaia@ekonomistak.eus

GIPUZKOA

Federico García Lorca, 9-bajo
20014 Donostia

Tel. 943 01 14 96
Fax 943 45 47 11

gipuzkoa@ekonomistak.eus

Desarrollado por PKF ATTEST

Arriba