Colegio Vasco de Economistas

Menuan sartu

Bilatzailea :

Hemen zaude:
Hasiera
Erreferentea
Ekonometroa

Ekonometroa

EKONOMETROA: KONFIANTZA SOZIO-EKONOMIKOAREN ADIERAZLEA

Ekonomisten Euskal Elkargoak konfiantza adierazle sozioekonomiko bat jarri zuen abian 2014ko abenduan, bere kideen parte hartzearen bidez: Ekonometroa.

Ekimen horren bidez elkargoko kideek gehien ezagutzen dutenari buruzko iritzia emateko aukera daukate: Ekonomia.

Konfiantza adierazle ekonomikoa da, egoeraren araberako inkesta bat. Helburua zera da, ekonomistek gaur egungo egoerari buruz dauzkaten iritziak eta enpresen etorkizunari buruzko informazioa biltzea.

Konfiantza Adierazle Ekonomikoa iritzi arloko inkesta ekonomikoen edo kualitatiboen arloan sar dezakegu eta funtsezko helburua epe laburreko azterketa ekonomikoa da. Europako Batzordeak uste du inkesta mota horrek ekonomiaren eboluzioari buruzko informazio egokia ematen duela. Horregatik, inkesta horiek Estatu kide guztietara eta sektore ekonomiko desberdinetara zabaltzen lagundu du: industria, eraikuntza, xehekako merkataritza, zerbitzuen sektorea finantzakoak barne eta baita kontsumitzaileena ere.

Beraz, interes orokorreko adierazle bat da: gizartea, hedabideak, unibertsitateak, erakundeak, beste elkargo profesional batzuk eta ekonomisten taldea bera. Ekonomisten Euskal Elkargotik, ekonomiaren eta enpresa-munduaren inguruan lan egiten duten profesionalen iritzia helaraziko dizuegu; izan ere, uste dugu gure esperientzia profesionalaren eta ezagutzaren ondorioz informazio baliagarria eman ahal diegula komunikabideetako profesionalei eta noski, gizarte osoari.

Proiektu hori EHUrekin batera burutu da eta interesatu ahal zaien eragile guztiei helarazi nahi diegu, bereziki komunikabideei, lortutako emaitzen berri emateko gaitasunagatik eta gizarteak une bakoitzean eduki nahi edo behar duen informazio ekonomikoari buruzko ezagutza izateagatik.

Sei hilerik behin egiten da (ekainean eta abenduan), emaitzak Euskadiko instituzio, organismo eta komunikabideentzat baliagarriak izango direlakoan, bereziki eraldaketa sozioekonomikoaren eta etika profesionalaren alorrean. Gaiak eta erronkak zuk zeuk proposatuko dituzu.

Adierazle horri esker, ekonomistek ekonomiaren garapenaren inguruan aditu gisa duten iritzia ezagutu dezakegu